Centro di Cuido di Mucha tin un rol crucial den desaroyo di mucha y ta aporta na e bienestar di famia y di comunidad den su totalidad. Ta di sumo importancia cu e centronan di cuido di mucha ta cumpli cu e norma- y regulacionnan pa ofrece un entorno safe y stimulante pa e muchanan di tur edad.
Pa garantisa e desaroyo optimal y sigur di e muchanan, como tambe pa garantisa un cuido di mucha di calidad halto, ta esencial un supervision adecuado, cu guia y sosten den e fase di transicion y ta basa riba Ordenansa Nacional Centro di Cuido di Mucha, articulo 9 y 10 (AB 2017 no.38), cu ta indica cu mester ofrece cuido di mucha na un manera responsabel.
Manera cu tin e documento di informacion pa e Centronan di Cuido cla, lo pone esaki tambe.
Prome cu bo entrega un keho interno
Na momento cu abo como mayor no ta contento cu algo, DMH ta conseha bo pa papia cu e persona involucra prome. Esaki por ta un trahador pedagogico of cabesante/lider di grupo na momento cu trata un situacion cu ta encera e grupo di mucha. Si acaso no ta logra yega na un solucion of bo no ta contento cu e solucion, e ora por entrega un keho na DMH.
Keho na DMH
Na momento cu entrega un keho interno directo, por ehempel paso bo ta haya ta importante pa bo keho ta cautelosamente evalua y registra. Bo ta ricibi di DMH un reaccion por escrito. Nos ta tuma tur keho por escrito, incluso esunnan anonimo, den nos relato di keho anual. E relato di keho aki nos ta informa tambe e minister como e centro di cuido di mucha en cuestion. Esaki nos ta hacie conforme e Ley di Centro di Cuido di Mucha (Landsverordening Kinderopvang AB 2017 no. 38). Den nos documento di maneho di keho bo ta haya mas informacion con pa haci un keho interno na DMH y con nos ta anda cu esaki.
Por download e pdf y yen’e y despuea mail e pdf yena na info@dmh.aw